ERASMUS+

UzMedEn loyixasining navbatdagi uchrashuvi va malaka oshirish kurslari Buxoro shaxrida tashkil etilmoqda. Yevropa ittifoqining Erasmus+ "Oliy ta'limda salohiyatni oshirish-CBHE" dasturi tomonidan moliyalashtirilgan "UzMedEn: O‘zbekistonda tibbiyot muhandisligi sohasida yangi magistratura dasturi va malaka oshirish kurslarini ishlab chiqish" loyihasi doirasida rejalashtirilgan navbatdagi uchrashuv va malaka oshirish kurslar joriy yilning 24-aprel kunidan Buxoro shahridagi Buxoro davlat texnika universitetida tashkil etilmoqda. Loyihaning navbatdagi uchrashuvi va malaka oshirish kurslariga Riga Texnika Universiteti va Vilnius Gediminas Texnika Universitetidan 4 nafar professor va soha mutaxassislari, shu bilan birga O'zbekiston Respublikasining 8 ta oliy ta’lim muassasalaridan 30 dan ortiq professor o‘qituvchilari ishtirok etmoqda. Malaka oshirish kurslari davomida professor o‘qituvchilar biotibbiyot muhandislik sohasida Yevropa ittifoqining ilg‘or tajribasini o‘rganish imkoniyatiga ega bo‘lishadi.