Киберспорт мусобақаси
Тошкент Кимё Халқаро Университетида 2024-йил 16-декабрь куни талабалар ўртасида киберспорт мусобақаси ўтказилди. Мазкур тадбир ёшларнинг ахборот технологияларига қизиқишини ошириш, рақамли спорт орқали уларнинг ижодий ва стратегик қобилиятларини ривожлантириш мақсадида ташкил этилди.
Мусобақада университетнинг турли факультетларидан 16 та жамоа қатнашди. Улар ўйин стратегиялари ва жамоавий ҳамжиҳатликка асосланган ҳаракатлари билан куч синашдилар. Ҳар бир жамоа юқори даражадаги рақобатни намойиш этиб, ғолибликка эришиш учун барча имкониятларини ишга солди.
Мусобақанинг якунланиши билан ғолиб ва иштирокчиларни тақдирлаш маросими ўтказилди. "Спарта" жамоасига диплом ва эсдалик совғалари топширилди.
