Yevropa Ittifoqining Erasmus+ dasturining SPHERE loyihasi doirasida bo‘lib o‘tayotgan treningda Toshkent Kimyo xalqaro universiteti vakillari faol ishtirok etmoqda
Yevropa Ittifoqining Erasmus+ dasturining SPHERE loyihasi doirasida bo‘lib o‘tayotgan treningda Toshkent Kimyo xalqaro universiteti vakillari faol ishtirok etmoqda.
Joriy yilning 27-29 May sanalarida Sloveniyaning Maribor shahrida universitetimiz vakillari ishtirokida trening uchrashuvlar tashkil etildi. Tadbirda xalqaro loyiha doirasida universitetimizda tashkil etilgan “Barqaror transport” bakalavriat ta’lim yo‘nalishi va ushbu yo‘nalish bo‘yicha “Yo‘l harakati muhandisligi va boshqaruvi” kafedrasi professor-o‘qituvchilari tomonidan ishlab chiqilgan o‘quv fanlar, xarid qilingan zamonaviy laboratoriya qurilmalari va kitoblar bo‘yicha taqdimot bo‘lib o‘tdi.
Bundan tashqari o‘quv tashrif rejasiga muvofiq treninglardan tashqari loyihaning bosh rahbari Aleksandra Petrovich boshchiligida loyihani amalga oshirishdagi sifatni ta’minlash maqdsadida transport sohasidagi mutaxassislar uchun treninglarni ishlab chiqishda natijalar va kelgusida bajariladigan vazifalar bo‘yicha yig‘ilish ham bo‘lib o‘tdi.
