2025 yil 24 may kuni Toshkent Kimyo xalqaro universitetida “Rangtasvir” yoʻnalishi boʻyicha tahsil olgan talabalar ilk bor diplom ishlarini himoya qilishdi
2025 yil 24 may kuni Toshkent Kimyo xalqaro universitetida “Rangtasvir” yoʻnalishi boʻyicha tahsil olgan talabalar ilk bor diplom ishlarini himoya qilishdi. Mazkur yo‘nalish 2021 yilda “Arxitektura va qurilish” fakulteti tarkibida tashkil etilgan bo‘lib, joriy yilda ushbu yo‘nalishning ilk bitiruvchilari ta’lim muassasasini muvaffaqiyatli yakunlashmoqda.
19 nafar talaba bakalavriat bosqichini muvaffaqiyatli yakunlab, sanʼat olamiga ilk mustaqil qadamini tashladi. Bu nafaqat bitiruvchilar, balki butun universitet jamoasi uchun katta quvonch va faxr manbai boʻldi.
Ushbu natijaga erishishda talabalarning tinimsiz mehnati, oʻqituvchilarning sabr-toqati va universitet rahbariyatining qoʻllab-quvvatlovi muhim rol oʻynadi. Professor-oʻqituvchilar oʻz bilim va tajribalarini mehr bilan ulashib, ijodkor yoshlar kamoloti yoʻlida fidokorona xizmat qilishdi.
“Rangtasvir” yoʻnalishining ilk bitiruvchilari nafaqat universitet, balki yurtimiz sanʼat sohasi tarixida ham yangi sahifa ochmoqda. Ularning ijodiy yoʻli yorqin va ilhomli boʻlishiga tilak bildiramiz.
