Magistratura

UNIVERSITETNING MAGISTRATURA MUTAXASSISLIKLARINING 
BAHORGI SEMESTRI UCHUN QABUL BOSHLANDI 
 

Toshkent Kimyo xalqaro universitetiga 2022-2023 o‘quv yili BAHORGI SEMESTRI uchun Magistratura mutaxassisliklariga qabul boshlandi.

Toshkent Kimyo xalqaro universiteti (keyingi o‘rinlarda – Universitet) O‘zbekiston Respublikasi Vazirlar Mahkamasi huzuridagi Ta'lim sifatini nazorat qilish davlat inspeksiyasi tomonidan berilgan 0044527-son davlat lisenziyasi hamda huquqiy voris sifatida O‘zbekiston Respublikasi Vazirlar Mahkamasinig 2019 yil 17 dekabrdagi 1007-son “Toshkent shahridagi Yodju texnika instituti faoliyatini tashkil etishning qo‘shimcha chora-tadbirlari to‘g‘risida”gi qarori asosida faoliyat olib boradi hamda O‘zbekiston hududida universitet tomonidan berilgan diplom to‘laqonli tan olinadi. Shuningdek, Universitet 2022 yilda O‘zbekistonning nodavlat oliy o‘quv yurtlari orasida birinchilardan bo‘lib KAZSEE va IQAA agentliklarining ta'lim dasturlarini xalqaro akkreditasiyadan o‘tkazish to‘g‘risidagi sertifikatlariga ega bo‘ldi.

Magistratura uchun qabul 2022 yilning 1 noyabridan 1 dekabriga qadar ONLAYN tartibda universitetning masters.kiut.uz  platformasi orqali quyidagi zaruriy hujjatlarni taqdim qilish orqali ro‘yxatdan o‘tiladi:

• Pasport yoki ID guvohnoma nusxasi (rangli);
• Oliy ta'lim diplomi va uning ilovasi nusxalari (rangli);
• Elektron shakldagi fotosurat (3,5 sm×4,5 sm hajmdagi oxirgi 3 oy ichida tushirilgan bo‘lishi);
• Agar mavjud bo‘lsa, chet tilini bilish darajasini tasdiqlovchi IELTS - 6.0 / CEFR - B1/ DuoLingo - 85/ TOEFL - 58/ TOPIK - 3 va undan yuqori natijali rasmiy sertifikat nusxasi (rangli).

Barcha hujjatlar elektron shaklda masters.kiut.uz platformasi orqali qabul qilinadi.
Xorijiy tilni bilish darajasini tasdiqlovchi sertifikatiga ega bo‘lgan talabgorlar qo‘shimcha ballga ega bo‘ladi.
 

UNIVERSITETNING MAGISTRATURA MUTAXASSISLIKLARI

Manzil: 100121, Toshkent shahri, Yakkasaroy tumani, Usmon Nosir ko‘chasi, 156 – uy. 
Mo‘ljal: Janubiy vokzal.
Ma'lumot uchun telefon: (+99878) 129-40-40 (ichki raqam – 137).

Universitetning rasmiy sayti hamda ijtimoiy tarmoqlardagi sahifalari:
Web-page: www.kiut.uz
MSc Telegram: @msckiut