2026-yil 10-fevral kuni Toshkent Kimyo Xalqaro Universitetida “Moliya” kafedrasi tashabbusi bilan “Moliya va moliyaviy savodxonlik” yo‘nalishi doirasida talabalar o‘rtasida olimpiada o‘tkazildi
So‘nggi yillarda moliyaviy savodxonlik masalasi global miqyosda dolzarb mavzulardan biriga aylandi. Jahon banki va OECD ma’lumotlariga ko‘ra, moliyaviy bilimlar darajasi past bo‘lgan jamiyatlarda shaxsiy byudjet yuritish, kreditlardan oqilona foydalanish va moliyaviy xatarlardan himoyalanish ko‘rsatkichlari ham past bo‘ladi. Shu bois oliy ta’lim muassasalarida moliyaviy savodxonlikni baholashga qaratilgan olimpiadalar nafaqat tanlov, balki real hayotga tayyorgarlik bosqichi sifatida qaralmoqda.
Olimpiadada online va offline formatda jami 127 nafar talaba ro‘yxatdan o‘tdi. Shulardan 52 nafari saralash bosqichidan o‘tib, bilimlarini amalda sinab ko‘rdi. Test va amaliy topshiriqlar orqali ishtirokchilarning nazariy tayyorgarligi, mantiqiy fikrlashi hamda moliyaviy vaziyatlarga munosabati baholandi.
Tanlov yakunlariga ko‘ra, eng yuqori natija ko‘rsatgan 6 nafar talaba faxrli o‘rinlarni egalladi. Ular Universitet Kengashining 7-son yig‘ilishi doirasida kafedra professor-o‘qituvchilari bilan birga taqdirlandi.
G‘olib va sovrindorlar:
1-o‘rin — Mazbudova Muazzam (3-kurs, BAN-02U)
2-o‘rin — O‘tbosarov Muhammadibrohim (2-kurs, BMA-31U)
2-o‘rin — Tursunqulov Azizbek (3-kurs, FIN-02)
3-o‘rin — Shoabdurashidova Mohina (2-kurs, BMA-31U)
3-o‘rin — Bekmetova Zebo (3-kurs, FINE-01U)
3-o‘rin — Islombekov Hasanbek (3-kurs, BMA-01U)
Mutaxassislar fikricha, bunday olimpiadalar talabalarning faqat nazariy bilimini emas, balki real hayotda zarur bo‘lgan moliyaviy qarorlar qabul qilish ko‘nikmalarini shakllantiradi. Ayniqsa, yoshlar orasida moliyaviy xatolar sonini kamaytirish va mas’uliyatli moliyaviy xulq-atvorni rivojlantirishda bunday tanlovlarning amaliy ahamiyati yuqori baholanmoqda.
