9 may – Xotira va qadrlash kuni
Toshkent Kimyo xalqaro universitetining “Boshlangʻich taʼlim, maktabgacha taʼlim, maxsus pedagogika” yoʻnalishi talabalari hamda talabalar teatr studiyasi aʼzolari ishtirokida 9 may – Xotira va qadrlash kuni munosabati bilan “Inson qadri ulugʻ, xotirasi muqaddas!” deb nomlangan maʼnaviy-maʼrifiy, teatrlashtirilgan tadbir boʻlib oʻtdi.
Aytish joizki, Xotira va qadrlash kuni arafasida Ulugʻ Vatan urushi qatnashchilarini, front ortida jasorat koʻrsatgan vatandoshlarimizni, xalq erki yoʻlida jon bergan ulugʻ maʼrifatparvar - jadidlarni yod etish maqsadida Toshkent Kimyo xalqaro universitetida tashkil etilgan “Inson qadri ulugʻ, xotirasi muqaddas!” mavzusidagi maʼnaviy-maʼrifiy tadbir otkazildi. Tadbirning asl mazmun - mohiyati ham yuqoridagi fikrlarni roʻyobga chiqarish hamda yoshlar ongida keksa avlod vakillariga nisbatan hurmat va ehtirom tuygʻularini yanada keng shakillantirish maqsadlarini oʻzida mujassam qilgan desak, aslo yanglishmaymiz.
Shuningdek, tadbirda Oʻzbekiston xalq shoiri Muhammad Yusufning rafiqasi, Muhammad Yusuf nomidagi fond raisi, “Oltin qalam” gazetasi bosh muharriri, shoira Nazira As-Salom ham ishtirok etdi.
