Admission FAQ 2
1. С: Биринчи босқич имтиҳонларидан муваффақиятли ўтдим, тўлов шартномасини 15 августга қадар тўлай олмасам нима бўлади?
Ж: Сизга квота бўйича ажратилган жой куяди. Шунинг учун тўлов шартномасини 50% ни 15 августга қадар тўлашингизни тавсия қиламиз.
2. С: Тошкент шаҳридаги Ёджу техника институтининг ётоқхонаси борми?
Ж: Талабалар ётоқхонаси ҳозирча мавжуд эмас.
3. С: Институт томонидан талаб қилинган ҳужжатларда камчилик бўлса ҳам тўлов шартномасини олсам бўладими?
Ж: Йўқ, бўлмайди. Ҳужжатлар тўлиқ бўлиши лозим (паспортдан 2 та нусха, диплом/аттестат ва иловасининг асли).
4. С: Дипломимни иловаси ёқолган, шартнома олиш учун нима қилишим керак?
Ж: Илованинг нусхасига (копия) битирган таълим масканидан муҳр бостириб олиб келиш керак.
5. С: Янги ўқув йили қачон бошланади?
Ж: Сентябрь ойига режа қилинган. Пандемия шароитларидан келиб чикиб, октябрь ойида ҳам бошланиши мумкин.
6. С: Кечки ва сиртқи таълим шаклларида инглиз тилидаги таълим гуруҳлари борми ?
Ж: Йўқ, фақат рус ва ўзбек тилларидаги таълим гуруҳлар бор.
7. C: Саволлар китобига тахмин қилган жавобларимизни белгилаб турсак бўладими?
Ж: Ҳа, саволлар китобига бемалол тахмин қилинган тўғри жавобларни белгилаш, турли қайдлар ёзиш, чизиш мумкин. Лекин саволлар китобини йиртиш, ўзи билан олиб чиқиб кетиш, бировга бериб туришга рухсат этилмайди.
8. С: 1 - курсдан кейин ўқишни ички кўчирсам бўладими?
Ж: Ҳа, Қабул комиссиясининг хулосасига кўра 1- курсни битириб, ўқишни институт таълим йўналишлари ичида ички (Тибиёт йўналишига бошқа таълим йўналишларидан ички кўчириш амалга оширилмайди) кўчириш имконияти мавжуд.
Ташқи қўчириш институт вакалотига кирмайди ва ушбу масала бўйича институт хеч қандай жавобгарликни олмайди.
9. С: Тошкент шаҳридаги Ёджу техника институтининг дипломи Ўзбекистонда тан олинганми?
Ж: Ҳа, бунинг тасдиғини lex.uz сайтида 17.12.2013 даги 1007-сонли ВМҚ орқали текшириб кўрсангиз бўлади.
10. С: English Education йўналишига ҳужжат топширган абитуриентлар ўқишга қабул қилинганлиги ҳақидаги маълумотларни қачон оладилар?
Ж: Айни дамда тақдим этилган IELTS сертификатларининг ҳақиқийлини текшириш жараёни кетяпти. Ушбу жараён тугаши билан институт Қабул комиссияси ҳар бир IELTS сертификатига эга English Education таълим йўналиши абитуриентларига алоқага чиқади.
11. С: IELTS сертификати йўқ абитуриентлар учун English Education йўналишига имтиҳонлар қачон бўлиб ўтади?
Ж: IELTS сертификати бор талабгор абитуриентлар билан квота тўлмаган тақдирда, жорий йилнинг 15 августидан кейин имтиҳонга таклиф қилинадилар.
12. С: Август ойига режалаштирилган имтиҳон кунлари қайси?
Ж: Август ойининг 15, 16, 17, 18, 19, 20, 21, 22, 23, 24, 25 кунларида расмий каналларимиз орқали яна батафсил эълон берамиз.
13. С: Имтиҳон куни ўзим билан нималарни олиб келсам бўлади?
Ж: Паспорт, абитуриент рухсатномаси ва яхши ёзадиган кўк ручка.
14. С: Имтиҳон неча соат давом этади?
Ж: Имтиҳон фан блокига боғлиқ. Ҳар бир блок учун ажратилган вақт - 1 соат.
15. С: Имтиҳон жавоблари қачон эълон қилинади?
Ж: Охирги имтиҳон кунидан бошлаб 10 иш куни ичида.
16. С: Аппеляция борми?
Ж: Аппеляция имтиҳон жавоби чиққандан сўнг 3 кун ичида кўриб чиқилади. Жавоби эса, 3 иш куни ичида тақдим этилади.
17. С: Биринчи имтиҳондан ўта олмаган эдим, иккинчи имтиҳонга киришим учун рухсатнома шахсий кабинетимга берилганлиги ҳақида қандай биламан?
Ж: Институт расмий Телеграм каналлари орқали имтиҳон бошланганлиги ҳақида эълон берилади ва шундан кейин рухсатномани олиш мумкин.
18. С: Кириш учун белгиланган максимал балл қанча?
Ж: Таълим йўналишига боғлиқ.
1-блок, 3.1
2-блок, 2.1
3-блок, 1.1
Саволлар 30 тадан иборат бўлади
Ижодий имтиҳон
Архитектура ва шаҳарсозлик йўналиши - ҳар бир ижодий имтиҳон учун 100 баллдан + математика 3.1
Либослар дизайни йўналиши - ҳар бир ижодий имтиҳон учун 100 баллдан
Рангтасвир йўналиши - 3 та ижодий имтиҳон 100 баллдан. Жами 300 балл.
19. С: Имтиҳон куни телефон, электрон смарт-соат, калит, пул ва шунга ўхшаш буюмларни ўзим билан олиб келсам, сақлаш учун махсус жой борми?
Ж: Ҳа, бор.