Akfa Group билан меморандум
Тошкент шаҳридаги Ёджу техника институти ва “Akfa Group” компанияси ўртасида имзоланган ҳамкорлик меморандуми ҳақида бир неча бор хабар қилинган эди. Ушбу меморандумда белгиланган режаларни амалга ошириш босқичи бошланди. Жорий йилнинг 29 январ куни Институтнинг “Муҳандислик мактаби” талабалари учун Akfa Group компаниясининг ишлаб чиқариш корхоналарига экскурcия ташкил қилинди. Мазкур ишлаб чиқариш корхоналарида фаолият қандай ташкил этилганлиги тўғрисида батафсил сўзлаб берилди ҳамда талабаларни қизиқтирган саволларга компания томонидан махсус бириктирилган инженерлар жавоб беришди.
Таъкидлаш жоизки, талабалар ишлаб чиқариш жараёнини ўз кўзлари билан кузатишлари уларни ўзлари танлаган касбни янада масъулият билан чуқурроқ ўзлаштиришга ундайди. Ҳамкорликнинг кейинги босқичи - талабалар орасидан амалиёт ўташ учун саралаб олиш ва уларни компания кадрлар заҳирасига киритишдан иборат.