AQSh tajribasi TKXUda: stomatologiya bo‘yicha ochiq ma’ruzalar
Toshkent Kimyo xalqaro universitetining Tibbiyot maktabi tarkibidagi “Stomatologiya” yoʻnalishi talabalari uchun AQShdan kelgan yetuk mutaxassis, doktor Jeremy Sayer tomonidan bir necha kunlik maxsus ochiq darslar tashkil etildi.
Ochiq darslar davomida doktor Sayer zamonaviy stomatologiyaning eng soʻnggi innovatsiyalari, ilgʻor davolash usullari va xalqaro standartlar haqida batafsil tushuntirishlar berib, talabalar bilan oʻz tajribasi bilan boʻlishmoqda. Shuningdek, amaliy mashgʻulotlar davomida talabalarga yangi texnikalar va texnologiyalar boʻyicha koʻnikmalar berilishi rejalashtirilgan.
Universitetimiz kelgusida ham xalqaro mutaxassislarni jalb etgan holda talabalar uchun amaliy va nazariy seminarlar, ustoz-shogird darslari hamda ilgʻor texnologiyalar asosida taʼlim berish kabi tashabbuslarni davom ettirishni maqsad qilgan.
