Armrestling federatsiyasi
Yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratish, sogʻlom turmush tarzini keng tatbiq etish va ommaviy sportni yanada rivojlantirish biz uchun muhim.
Kuni kecha, Oʻzbekiston Armrestling federatsiyasi va Toshkent Kimyo xalqaro universiteti vakillari oʻrtasida uchrashuv boʻlib oʻtdi.
Uchrashuvda universitet talabalari oʻrtasida armrestling sportini rivojlantirish va musobaqa tashkil etish boʻyicha muzokaralar olib borildi.
Muzokaralar yakunida tomonlar kelgusida hamkorlikni davom ettirishga va talabalar orasida sportni rivojlantirishga kelishib oldilar. Tashkil etiladigan musobaqa haqida batafsil maʼlumot va roʻyxatdan oʻtish shartlari yaqin orada eʼlon qilinadi.
