“Axborot tizimlarini muhandisligi” yo‘nalishi talabalari va o‘qituvchilari ICTWEEK Uzbekistan – 2024 haftaligi doirasida o‘tkazilgan Huawei ICT Talent tadbirida ishtirok etishdi
Kuni kecha “Axborot tizimlarini muhandisligi” yo‘nalishi talabalari va o‘qituvchilari ICTWEEK Uzbekistan – 2024 haftaligi doirasida o‘tkazilgan Huawei ICT Talent tadbirida ishtirok etishdi. Ushbu tadbirni o‘tkazishdan maqsad AKT sanoati yetakchilari, ta‘lim sohasi vakillari, mamlakat oliy o‘quv yurtlari o‘qituvchilari va talabalarini axborot texnologiyalari sohasidagi so‘nggi tendentsiyalarni muhokama qilish, fikr almashish va Huawei ICT Academy faoliyatini kengaytirish imkoniyatlarini o‘rganish uchun birlashtirishdan iborat.
Tadbir davomida har yili 80 dan ortiq mamlakat va mintaqalardan 170 000 dan ortiq talabalarni birlashtiruvchi Huawei ICT Competition – global AKT tanlovi boshlandi.
Ma’lumot uchun. O‘zbekiston axborot-kommunikatsiya texnologiyalari haftaligi – ICTWEEK UZBEKISTAN – AKT sohasidagi yirik va muhim tadbir bo‘lib, O‘zbekistonda 2004 yildan buyon har yili o‘tkazib kelinmoqda. Tadbir an’anaviy ravishda bir qator ixtisoslashtirilgan tadbirlarni yagona formatga birlashtiradi. ICTWEEKning asosiy maqsadi tajriba almashish va zamonaviy texnologiyalar va innovatsiyalar yutuqlarini namoyish etish uchun platforma yaratishdan iborat. Bu, shuningdek, davlat, kompaniyalar va iste’molchilar o‘rtasidagi o‘zaro hamkorligini rivojlantirish uchun O‘zbekiston IT-bozorining xorijiy investorlar uchun jozibadorligini namoyish etish uchun ideal maydondir.
