Ayni paytda Bolgariya Respublikasining Varna menejment universitetida 2+2 qoʻshma dasturi asosida tahsil olayotgan talabalarimiz “International Culture Day” — Xalqaro madaniyat kunida ishtirok etishdi.
Ayni paytda Bolgariya Respublikasining Varna menejment universitetida 2+2 qoʻshma dasturi asosida tahsil olayotgan talabalarimiz “International Culture Day” — Xalqaro madaniyat kunida ishtirok etishdi.
Tadbirda Fransiya, Germaniya, Turkiya, Rossiya, Albaniya, Moʻgʻuliston, Filippin va boshqa davlatlardan kelgan talabalar oʻz madaniyatini ifodalovchi chiqishlar qilishdi. Oʻzbekiston vakillari esa milliy liboslar, raqs, kuylar, pazandachilik va xalq amaliy sanʼati orqali yurtimiz madaniyatini faxr bilan taqdim etdilar.
Talabalarimizning taqdimoti xorijiy talabalar tomonidan katta qiziqish va eʼtirof bilan kutib olindi. Bu orqali ular nafaqat Oʻzbekistonni tanishtirdilar, balki oʻzlarining iqtidor va tashabbuskorligini ham namoyon etishdi.
