“Ayol salomatligi – sogʻlom kelajak garovi” mavzusida seminar boʻlib oʻtdi
Toshkent Kimyo xalqaro Universitetida “Chiroy estetikasi” yoʻnalishi talabalari va “Amaliy kosmetologiya” kafedrasi professor-oʻqituvchilari tomonidan “Ayol salomatligi – sogʻlom kelajak garovi” mavzusida seminar tashkil etildi. Ushbu seminar ayollar salomatligi, toʻgʻri ovqatlanish, psixologik farovonlik hamda kosmetologiyaning zamonaviy yoʻnalishlariga bagʻishlandi.
Tadbirda turli soha mutaxassislari va shifokorlar ishtirok etib, talabalar va mehmonlarga qimmatli tavsiyalar berishdi.
Tadbirning maxsus mehmoni, Oʻzbekiston va Rossiya Psixologlar Assotsiatsiyasi aʼzosi, xalqaro toifadagi psixolog, oila munosabatlari boʻyicha ekspert Parizoda Kurahmedova esa oilaviy munosabatlar va ayollarning ijtimoiy oʻrni haqida fikr almashdi.
Seminar davomida talabalar va ishtirokchilar oʻzlarini qiziqtirgan savollarga javob olishdi, shuningdek, turli tibbiy va kosmetologik tavsiyalar bilan tanishish imkoniga ega boʻlishdi. Bu tadbir ayollarning sogʻlom turmush tarzini shakllantirish, jismoniy va ruhiy salomatlikni mustahkamlashga oid muhim bilimlarni targʻib qilishga xizmat qildi.
