Bayram shukuhi: sanʼat va moda uygʻunligi
8-mart – Xalqaro xotin-qizlar bayrami munosabati bilan Toshkent Kimyo xalqaro universitetida bayram tadbiri oʻtkazildi. Tadbirni universitet rektori Karimjon Axmedjanov ayollarga boʻlgan ehtirom ila ochib berib, ularning jamiyatdagi oʻrni va ulkan hissasini alohida taʼkidladi.
Tadbir davomida “Liboslar dizayni” yoʻnalishi talabalari tomonidan tasviriy sanʼat koʻrgazmasi va liboslar taqdimoti namoyish etildi. Yosh dizaynerlar tomonidan yaratilgan sanʼat asarlari va nafis liboslar bayram shukuhini yanada yuksaltirdi.
Tantanali tadbirda Oʻzbekiston xalq artisti Gavhar Zokirova ham ishtirok etib, oʻzining tabrigi bilan chiqish qildi. Bu esa bayramga yanada oʻzgacha fayz bagʻishladi.
Ushbu ijodiy tadbir sanʼat va modaning goʻzallikni madh etishdagi qudratini yana bir bor namoyon etdi. Bayram barchaga iliq taassurotlar ulashib, ayollarga boʻlgan hurmat va ehtirom ifodasi boʻldi.
