Бизнинг Чирой эстетикаси йўналиши талабаларимиз учун амалий машғулотлар

2020-йил 31-октябр ва 2-ноябр кунлари йўналиш раҳбари Бекзода Асқарова раҳбарлигида Чирой эстетикаси йўналиши талабалари иштирокида My aesthetic эстетик косметология марказида амалий ишлар олиб борилди.

Амалиётнинг мақсади институтда ўқиш жараёнида олинган назарий билимларни мустаҳкамлаш ва чуқурлаштириш, талабаларнинг реал иш шароитларига мослашувчанлик қобилиятини шакллантириш, бўлажак мутахассисларнинг ўз ишларига бўлган қизиқишини уйғотишдир. Натижада, амалиёт давомида индивидуал ва профессионал косметика турлари, қариш кўринишлари, юзни қўлда (механик) тозалаш каби дастурлар ўзлаштирилди.