Boʻlajak olim
Oliy taʼlim maskanimizda “Bank ishi”, “Buxgalteriya” va “Moliya” yoʻnalishlarining rahbari Allakuliyev Akmal Baltayevich Oʻzbekiston Respublikasi Innovatsion rivojlanish vazirligi tomonidan oʻtkazilgan “Boʻlajak olim” tanlovida gʻolib boʻldi.
Akmal Baltayevich oʻzining “Milliy iqtisodiyotda oʻrta muddatli davr uchun fiskal risklar baholash metodologiyasini ishlab chiqish va dasturlash” ilmiy gʻoyasi bilan moliyalashtirishga tavsiya etilganlar roʻyxatidan joy oldi. Talabalariga oʻrnak boʻlib kelayotgan Ustoz va yoʻnalish rahbarining shijoati hech ham soʻnmasligini, ilmiy gʻoyalari iqtisodiyotimiz ravnaqi uchun manfaatli boʻlishini tilab qolamiz.
Maʼlumot uchun: Tanlovda ishtirok etish uchun jami 233 ta arizalar kelib tushdi va ulardan Nizom talablariga javob bera oladigan 108 ta ilmiy gʻoya tanlov komissiyasi muhokamasiga kiritildi. Vazirlik Hayʼati muhokamasida esa “Boʻlajak olim” tanlovi komissiyasi 49 ta ilmiy gʻoyani ragʻbatlantirish boʻyicha qaror qabul qildi.