Bugun Nagoya Iqtisodiyot universitetining prezidenti janob Haruo Saburi boshchiligidagi delegatsiya Toshkent Kimyo xalqaro universitetiga tashrif buyurdi
Bugun, Toshkent Kimyo xalqaro universitetiga (TKXU) Yaponiyaning eng nufuzli oliy taʼlim muassasalaridan biri boʻlgan Nagoya iqtisodiyot universitetidan (НЭУ) delegatsiya tashrif buyurdi. НЭУ prezidenti janob Haruo Saburi boshchilik qilgan delegatsiya aʼzolarini TKXUning taʼsischisi prof. Alisher Vaxobov kutib oldi.
Shuningdek, delegatsiya aʼzolari tarkibida “NORITSUISU” CO., Ltd xalqaro ishlab chiqarish kompaniyasi prezidenti janob Michio Aoki hamda “ACES JAPAN” FE LLC xalqaro kompaniyasining Oʻzbekistondagi vakolatxonasi sotuv boʻlimi boshligʻi Isakov Islomjon ham tashrif buyurdilar.
НЭУ xalqaro aloqalarni keng rivojlantirgan va Yaponiyada yuqori obroʻga ega boʻlgan universitetlardan biri hisoblanadi. Tashrif davomida ikki universitet oʻrtasidagi doʻstona munosabatlarni yanada mustahkamlash maqsadida bir qator loyihalar muhokama qilindi.
Uchrashuv davomida kelgusida memorandum imzolash, oʻzaro keng qamrovli loyihalarni tashkil etish va “2+2” dasturlari asosida talabalar almashuvini amalga oshirish kabi rejalar belgilandi. Bu tashabbuslar universitetlar oʻrtasidagi hamkorlikni yangi bosqichga koʻtaradi va talabalar uchun keng imkoniyatlar yaratadi.
Shuningdek, TKXU talabalariga magistratura va doktorantura bosqichlarida ingliz va yapon tillarida taʼlim olish imkoniyati yaratiladi. Bu esa xalqaro miqyosda raqobatbardosh kadrlar tayyorlashda muhim ahamiyat kasb etadi.
Iqtisodiyot va moliya yoʻnalishlari professor-oʻqituvchilari ham Nagoya iqtisodiyot universitetida malaka oshirish va amaliyot oʻtish imkoniyatiga ega boʻlishadi. Bu tajriba almashinuvi nafaqat ilmiy va pedagogik salohiyatni oshirishga, balki xalqaro hamkorlik doirasini kengaytirishga xizmat qiladi.
Tashrif yakunida, ikki tomon doʻstona munosabatlarni mustahkamlash va hamkorlikni rivojlantirishga katta eʼtibor qaratganliklarini bildirdilar. Bu tashrif ikki universitet oʻrtasidagi aloqalarni yanada kuchaytirishga xizmat qiladigan yana bir muhim qadam boʻldi.
Eslatib oʻtamiz, joriy yilning aprel oyida TKXU taʼsischisi prof. A. Vaxobov, rektor v.b. prof. K. Axmedjanov va “Arxitektura va shaharsozlik” taʼlim yoʻnalishi rahbari K. Saidov Yaponiyada xizmat safarida boʻlib qaytgan edi. Toshkentdagi ushbu uchrashuv delegatsiyamizning Yaponiyaga qilgan xizmat safarining mantiqiy davomi boʻldi.
