Bugungi kunda suv tanqisligi, atrof-muhitning ifloslanishi va tabiiy resurslardan noo‘rin foydalanish global muammoga aylanib bormoqda.
Bugungi kunda suv tanqisligi, atrof-muhitning ifloslanishi va tabiiy resurslardan noo‘rin foydalanish global muammoga aylanib bormoqda. Ushbu muammolarni qanday hal etish mumkin? Yoshlarning roli bu jarayonda qanchalik muhim?
O‘zbekiston yoshlar ittifoqi tashabbusi bilan Toshkent Kimyo xalqaro universitetida suvni tejash va ekologiyani muhofaza qilishga qaratilgan loyiha doirasida uchrashuv bo‘lib o‘tdi. Tadbirda ekologik muammolarning dolzarbligi, ularning amaliy yechimlari hamda yoshlar ishtirokida amalga oshiriladigan tashabbuslar muhokama qilindi.
Universitet rektori Akmal Baltayevich Allakuliyev suv resurslarini asrash bugun butun jamiyat oldidagi ustuvor vazifa ekanini ta’kidladi. U ekologik yo‘nalishdagi tashabbuslarni qo‘llab-quvvatlash, yangi hamkorliklarni yo‘lga qo‘yish hamda barqaror rivojlanishga xizmat qiladigan loyihalarni kengaytirish bo‘yicha takliflar bildirdi.
Uchrashuv yakunida mehmonlar universitet hududi bo‘ylab tanishtiruv sayohatida ishtirok etdi hamda universitet brendidagi esdalik sovg‘alari bilan taqdirlandi.
Mazkur uchrashuv yoshlar orasida ekologik madaniyatni oshirish, suv resurslariga mas’uliyatli munosabatni shakllantirish va amaliy harakatlarga turtki berishga xizmat qildi.
#Ekologiya #SuvniAsrash #YoshlarTashabbusi
