“Chegara bilmas kosmetologiya”
Toshkent shahridagi Hilton Hotels & Resorts mehmonxonasida “Chegara bilmas kosmetologiya” xalqaro ilmiy-amaliy anjumani boʻlib oʻtdi. Ushbu anjumanda “Chiroy estetikasi” yoʻnalishining 3-kurs talabalari faol ishtirok etishdi. Anjuman davomida dermatokosmetologiya xizmatining zamonaviy rivojlanish bosqichlari haqida dolzarb mavzular yoritildi.
Anjuman maʼruzachilari Ozarbayjon, Bolgariya va Oʻzbekistonning yetakchi mutaxassislari tomonidan olib borildi. 3-kurs talabalari chiroy industriyasida zamonaviy tendensiyalar va ilgʻor kosmetologik uskunalar imkoniyatlari haqida soʻnggi bilimlarni egallashdi.
Shuningdek, “Koʻz atrofi liftingi va tabiiy yoshartirish usullari” amaliy mahorat darsi oʻtkazildi. Ushbu dars davomida talabalarga koʻz atrofi terisini yoshartirishning tabiiy usullari koʻrsatib berildi.
Anjuman yakunida ishtirokchilarga xalqaro sertifikatlar taqdim etildi. Bu sertifikatlar talabalarning kelajakdagi faoliyatlari uchun muhim ahamiyatga ega boʻlib, ularning bilim va koʻnikmalarini tasdiqlovchi hujjat boʻlib xizmat qiladi.
