Edibon International корхонаси

Тошкент Кимё халқаро университети таъсисчиси профессор Алишер Ваҳобов, университетнинг Наманган филиали директори профессор Тўлқин Расулов ҳамда Наманган филиали директори ўринбосари Адхамжон Қодиржонов ҳамроҳлигида Испаниянинг Edibon International корхонасига ташриф буюрди.

Edibon International — муҳандислик ва энергетика соҳалари бўйича ўқув лабораториялар ишлаб чиқарувчи Европанинг йирик корхоналаридан бири ҳисобланади.

Корхона бош директор Мириам Бонилля билан учрашув давомида янги ўқув биноларини жиҳозлаш масалалари билан бир қаторда илмий-тадқиқот йўналишларида ҳамкорлик масалалари ҳам муҳокама қилинди. Профессор-ўқитувчилар малакасини оширишга қаратилган курслар ташкил этишга келишиб олинди.