Эл-юрт умиди

«Эл-юрт умиди» жамғармаси таклифига кўра, Швейцария таълим гуруҳида таҳсил олиш имконияти яратилди.

Швейцариянинг “SWISS EDUCATION GROUP” компанияси ва Тошкент шаҳридаги Ёджу техника институти ўртасида ҳамкорлик меморандуми имзоланди.  Ҳамкорлик дастури доирасида туризм ва сервис, халқаро менежмент, халқаро бизнес йўналишлари бўйича институт битирувчи талабаларини «Эл-юрт умиди» жамғармаси ва институт кўмагида Швейцариянинг нуфузли университетларига грант асосида ўқишга юбориш, халқаро 2+2 қўшма дастурларини Ёджу техника институтида жорий этиш каби лойиҳаларни амалга оширишга келишиб олинди.

Ёджу техника институтининг битирувчилари “Эл-юрт умиди” жамғармаси очиқ стипендия танловида қатнашиб хориждаги энг илғор университетларида таҳсил олиши мумкин. 

“Эл-юрт умиди” жамғармаси очиқ стипендиалари ҳақида Ёджу техника институтида батафсил семинар бўлиб ўтади.