Jaholatga qarshi ma’rifat

Тошкент шаҳридаги Ёджу техника институтида Республика Маънавият ва маърифат тарғибот маркази эксперти, фалсафа фанлари доктори, профессор Шермухамедова Жамила Ташпулатовна ва Дин ишлари бўйича қўмита бўлим бошлиғи Маърупов Илҳом Исломович иштирокида «Жаҳолатга қарши маърифат» мавзусида тарғибот ташвиқот тадбири ўтказилди.
Меҳмонларни институт ректори Ж.Кудайбергенов кутиб олди ва тадбирни кириш сўзи билан очиб берди.

Тадбирда профессор Ж.Шермухаммедова сўзга чиқди. Инсоният қадим-қадимдан буён жаҳолатга, бидъат ва хурофотга қарши маърифат билан курашишга интилиб келади. Чунки, унга қарши куч ишлатилса, зўравонлик воситасида кураш олиб борилса, жаҳолат аввалгидан янада кучайиб кетиши мумкин,- дея ҳаётий мисоллар келтирилди.

И.Маърупов ҳам ўз нутқида ижтимоий тармоқлардаги турли оқимларнинг ташкил топгани, уларнинг инсон онгига таъсири ва оғир оқибатлари ҳақида гапириб ўтди. Ҳамда турли ҳаётий масалалар юзасидан ҳадислардан намуналар келтирдилар.
Учрашув сўнгида талабалар билан савол-жавоб ўтказилди. 
Тадбир ёшларга Ватанга бўлган муҳаббат туйғусини мустаҳкамлаш билан бирга келажак мақсадларга эришиш учун ҳам катта мотивация қолдирди. Институт талаба - қизлари эса Жамила Ташпулатовна билан яна учрашув ташкил қилинишини сўраб қолишди.