Giyohvandlik moddalari, psixotrop dori vositalarining noqonuniy muomalasi hamda diniy ekstremistik oqimlar g‘oyalari ta’siriga tushib qolish holatlarining oldini olish maqsadida talaba-yoshlar o‘rtasida tushuntirish ishlari olib borildi
Tadbir davomida mutaxassislar tomonidan yoshlar ongiga salbiy ta’sir ko‘rsatuvchi omillar, ularning kelib chiqish sabablari va oqibatlari haqida batafsil ma’lumot berildi. Giyohvandlikning inson salomatligi, jamiyat va kelajak hayotiga yetkazadigan zararli ta’siri alohida ta’kidlandi.
Shuningdek, diniy ekstremizm va turli yot g‘oyalarning yoshlar ongiga kirib borish usullari hamda ularning oldini olish choralariga e’tibor qaratildi. Talabalarga mustaqil fikrlash, tanqidiy yondashuvni rivojlantirish va ishonchli axborot manbalaridan foydalanish zarurligi tushuntirildi.
Mazkur tadbir yoshlarning huquqiy savodxonligini oshirish, ularni turli tahdidlardan himoya qilish va sog‘lom turmush tarzini shakllantirishga xizmat qiladi.
