Hozirgi kunda Toshkent Kimyo xalqaro universiteti (TKXU)da talabalar almashinuvi dasturi asosida 9 nafar amerikalik talabalar tahsil olmoqda

Hozirgi kunda Toshkent Kimyo xalqaro universiteti (TKXU)da talabalar almashinuvi dasturi asosida 9 nafar amerikalik talabalar tahsil olmoqda

Hozirgi kunda Toshkent Kimyo xalqaro universiteti (TKXU)da talabalar almashinuvi dasturi asosida 9 nafar amerikalik talabalar tahsil olmoqda. Ushbu dastur doirasidagi akademik almashinuv universitetlar oʻrtasidagi ilmiy va madaniy aloqalarni kengaytirishga katta hissa qoʻshmoqda.

Yurtimizni taʼlim sohasida jozibador davlatlardan biriga aylantirish, hamkorlik doirasini yanada kengaytirish va qoʻshma dasturlarni rivojlantirish maqsadida, yaqinda Toshkentga Amerikaning nufuzli universiteti - George Foxdan ikki vakil tashrif buyurdi. Xalqaro hamkorlik boʻlimi direktori Dr. David Martinez va taʼlim yoʻnalishi rahbari Dr. Cristy Alcaraz Juarez TKXU rahbariyati bilan uchrashib, hamkorlikni yangi bosqichga koʻtarish masalalarini muhokama qilishdi.

TKXU rektori Karimjon Akhmedjanov bilan boʻlib oʻtgan uchrashuvda muhandislik yoʻnalishini rivojlantirish boʻyicha bir qancha muhim kelishuvlarga erishildi. Kelishuvlarning asosiy yoʻnalishlaridan biri sifatida, amerikalik talabalarni qisqa muddatli qoʻshma dasturlarga jalb qilish, TKXU talabalari uchun ham AQShda taʼlim olish imkoniyatlarini kengaytirish koʻzda tutildi.