Jahon standartlari kunida Toshkentdagi Kimyo xalqaro universiteti o‘zining kuchli salohiyatini namoyish etdi
Butunjahon standartlar kuni munosabati bilan o‘tkazilgan ko‘rgazmada Toshkent Kimyo xalqaro universiteti yana bir bor o‘z salohiyatini namoyon etdi. Standartlashtirish, metrologiya va muvofiqlikni baholash yo‘nalishlaridagi innovasion g‘oyalar va ishlanmalar taqdim etilgan ushbu tadbirda turli tashkilotlar o‘zining eng yaxshi loyihalarini namoyish qildi. Bu ko‘rgazma sifat, aniqlik va zamonaviy yondashuv ta’lim va sanoatda qanchalik muhim ekanini ko‘rsatib berdi. Toshkent Kimyo xalqaro universiteti ushbu ko‘rgazmada faol ishtirok etib, o‘zining ilmiy va amaliy qiymatga ega bo‘lgan innovasion ishlanmalari bilan barchaning e’tiborini tortdi. Universitet loyihalari zamonaviy talablar va xalqaro standartlarga mosligi bilan ajralib turdi.
