Janubiy Koreyaga tashrif davomida, Toshkent Kimyo xalqaro universiteti delegatsiyasi Chungbuk milliy universitetining klinikasiga ham tashrif buyurdi
Delegatsiya a’zolari klinikada yaratilgan shart-sharoitlar bilan yaqindan tanishish imkoniyatiga ega bo‘ldilar. Klinikadagi zamonaviy tibbiy uskunalar, ilg‘or texnologiyalar va yuqori malakali tibbiyot xodimlari bilan tanishib, ularning ish faoliyati haqida batafsil ma’lumot olishdi.
Uchrashuv davomida Toshkent Kimyo xalqaro universiteti qoshida tashkil etilgan Kimyo University Hospital bilan hamkorlik aloqalarini mustahkamlash bo‘yicha rejalar ham ko‘rib chiqildi. Ushbu hamkorlik ikki universitetning tibbiyot yo‘nalishida tajriba almashish, ilmiy izlanishlar olib borish va tibbiy xizmatlar sifatini oshirishga qaratiladi.
Bu tashrif hamkorlikni yanada rivojlantirish va o‘zaro tajriba almashishni kuchaytirishga xizmat qilishi kutilmoqda.
