Janubiy Koreyaning Kyongdong universiteti bilan hamkorlik memorandumi imzolandi
Kimyo International University in Tashkent va Janubiy Koreyaning Kyongdong universiteti o‘rtasida o‘zaro hamkorlik memorandumi imzolandi.
Mazkur kelishuv doirasida tibbiyot va stomatologiya yo‘nalishlari bo‘yicha ustozlar malakasini oshirish, talabalar uchun akademik mobillik dasturlarini joriy etish hamda ta’lim sifatini xalqaro darajaga olib chiqishga qaratilgan loyihalarni amalga oshirish rejalashtirilgan.
Hamkorlik orqali zamonaviy bilim va ilg‘or tajribalarni almashish, xalqaro standartlar asosida mutaxassislar tayyorlash hamda talabalar uchun yangi imkoniyatlar yaratish ko‘zda tutilgan.
Ushbu memorandum ikki universitet o‘rtasida uzoq muddatli va samarali hamkorlikni rivojlantirishda muhim qadam bo‘lib xizmat qiladi.
