Joriy yil 16-fevral kuni Toshkent Kimyo xalqaro universiteti delegatsiyasi Italiyadagi University of Cagliari (QS reytingi: #482) ga rasmiy tashrif buyurdi.
Joriy yil 16-fevral kuni Toshkent Kimyo xalqaro universiteti delegatsiyasi Italiyadagi University of Cagliari (QS reytingi: #482) ga rasmiy tashrif buyurdi.
Tashrif doirasida universitet rektori, professor Akmal Baltayevich Allakuliyev Cagliari universiteti prorektori Alessandra Carucci bilan muzokaralar o‘tkazdi. Uchrashuvda aniq hamkorlik yo‘nalishlari bo‘yicha kelishuvlarga erishildi:
iqtisodiyot, muhandislik, pedagogika va tibbiyot yo‘nalishlarida qo‘shma ilmiy-amaliy loyihalar;
professor-o‘qituvchilar va tadqiqotchilar almashinuvi;
yosh olimlar uchun xalqaro grantlar va qo‘shma tadqiqotlar;
innovatsion ishlanmalarni tijoratlashtirish bo‘yicha hamkorlik.
Talabalar uchun 2+2 hamda 1+1 qo‘shma ta’lim dasturlarini joriy etish bo‘yicha kelishuvga erishildi. Bu dasturlar ikki diplom olish, Yevropa ta’lim muhitida o‘qish va xalqaro mehnat bozoriga chiqish imkonini beradi.
Tashrif yakunida ikki universitet o‘rtasida o‘zaro anglashuv memorandumi (MOU) va hamkorlik bitimi imzolandi. Hujjatlar uzoq muddatli akademik va ilmiy hamkorlikni yo‘lga qo‘yishni nazarda tutadi.
Toshkent Kimyo xalqaro universiteti delegatsiyasi Yevropa oliy ta’lim muassasalari bilan hamkorlik bo‘yicha muzokaralarni davom ettirmoqda.
