Каталония халқаро университети
Тошкент Кимё халқаро университети таъсисчиси, профессор Алишер Ваҳобов ва университетнинг Наманган филиали директори, профессор Тўлқин Расулов Испаниянинг Барселона шаҳрида жойлашган Каталония халқаро университетининг (International University of Catalonia — UIC) Тадқиқотлар, инновациялар ва технологик трансфер масалалари бўйича проректори д-р. Роман Перез билан учрашдилар.
Каталония халқаро университети (UIC) — QS Барқарорлик рейтинги бўйича 750 ўринни, Тиббиёт мактабининг стоматология йўналиши эса жаҳон рейтингида 46-ўринни эгаллайди. Шунингдек, университетда педагогика, муҳандислик, бизнес ва архитектура йўналишлари ҳам мавжуд. Ушбу таълим йўналишларида бакалаврлар учун 2+2, 3+1 шаклларида, магистратура босқичи учун 1+1 шаклида қўшма дастурлар асосида ўзаро талабалар алмашинуви амалга оширишга келишиб олинди.
Шу билан бирга илмий тадқиқот ишларида ўзаро қўллаб-қувватлаш, таянч докторантлар алмашинуви, профессор-ўқитувчилар малакасини ошириш, ҳамкорликда халқаро конференция ва симпозиумлар ташкил этишга келишилди.
