KDB Bank Uzbekistan

KDB Bank Uzbekistan бош директори жаноб Ким Хюнг Санг Тошкент шаҳридаги Ёджу техника институти талабаларига «Муваффақият учун имкониятларни аниқлаш ва капитални ривожлантириш» мавзусида маъруза қилди. Жаноб Ким ўз маърузасида Жанубий Корея ва Ўзбекистон давлатларининг ўхшаш жиҳатлари, тарихий ва маданий яқинликлари, ривожланиш босқичи ҳақида маълумот берди. Жанубий Кореянинг чекланган табиий ресурсларига қарамасдан иқтисодий ривожланишида, энг аввало, инсон капитали турганлиги ва ҳар қандай сармоя илмга сарфланиши кераклигини таъкидлаб ўтди. Хулоса қилиб айтганда, ота-оналарнинг ўз истак ва эҳтиёжларидан кўра фарзандлари келажаги учун сарфлаган сармояси ҳозирги Жанубий Кореянинг иқтисодий муваффақиятини белгилаб берди, - деди жаноб Ким. Суҳбат сўнгида жаноб Ким талабаларга имкон қадар қўшимча касб ва кўникмаларни ҳам ўрганишни маслаҳат берди.