KIUT Markaziy Osiyoning TOP-90 universitetlari qatorida!
Toshkent Kimyo xalqaro universiteti (KIUT) ilk bor QS Asia University Rankings xalqaro reytingiga kirib, Markaziy Osiyodagi eng yaxshi 90 ta universitet qatoridan joy oldi.
Bu — universitetimiz uchun xalqaro maydondagi eng muhim yutuqlardan biri. Chunki bugun oliy ta’lim muassasasining nufuzi nafaqat mamlakat ichidagi faoliyati, balki xalqaro akademik hamjamiyatdagi o‘rni bilan ham belgilanadi.
KIUTning Markaziy Osiyo universitetlari orasida TOP-90 talikka kirishi qisqa vaqt ichida bosib o‘tilgan katta yo‘lning amaliy natijasidir.
Ayniqsa, universitetning xalqaro professor-o‘qituvchilar ko‘rsatkichi bo‘yicha 190-o‘rinni, xorijiy talabalar bo‘yicha 346-o‘rinni va talabalar almashinuvi bo‘yicha 406-o‘rinni egallagani xalqaro hamkorlik va akademik mobillik yo‘nalishidagi ishlar o‘z samarasini berayotganini ko‘rsatadi.
E’tiborlisi, KIUT ushbu natijaga QS Asia University Rankings reytingidagi ilk ishtirokidayoq erishdi.
Bugun universitetimiz xalqaro ta’lim maydonida o‘z o‘rnini mustahkamlab bormoqda. Dunyoning turli mamlakatlaridagi universitetlar bilan hamkorlik, xorijiy professorlarning ta’lim jarayoniga jalb etilishi va talabalar uchun yaratilayotgan xalqaro imkoniyatlar bu taraqqiyotning muhim omillaridir.
TOP-90 — biz uchun shunchaki reyting ko‘rsatkichi emas. Bu katta mehnatning e’tirofi, yangi mas’uliyat va yanada yuqori marralar sari qo‘yilgan dadil qadamdir.
www.kiut.uz
#KIUT #QSAsiaRankings #Top90 #HigherEducation #InternationalRecognition
