KIUT va Kyonggi universiteti K-Beauty hamda K-Pop yo‘nalishlarida koreys tili dasturlarini yo‘lga qo‘yadi
Toshkent Kimyo xalqaro universitetiga Janubiy Koreyaning Kyonggi universiteti vakillari tashrif buyurdi.
Uchrashuvda tomonlar avval imzolangan hamkorlik memorandumi doirasida K-Beauty va K-Pop yo‘nalishlarini koreys tili ta’limi bilan birlashtirgan maxsus dasturlarni tashkil etish masalalarini muhokama qildilar.
Mazkur dasturlar orqali talabalar koreys tilini Janubiy Koreyaning zamonaviy madaniyati va kreativ industriyasi bilan uyg‘un holda o‘rganish imkoniyatiga ega bo‘ladilar.
