KIUT va Montana shtati universiteti: Ilm-fan va ta’limdagi yangi hamkorlik
Toshkent Kimyo xalqaro universiteti (KIUT) delegatsiyasi AQShning Montana shtati universitetiga (MSU) rasmiy tashrif buyurdi. Ushbu tashrif davomida KIUT vakillari, jumladan, A. Rustamov va universitet prorektori Rod Powell, MSU vitse-prezidenti Durward K. Sobek bilan uchrashib, ta’lim va ilmiy hamkorlik masalalarini muhokama qildilar.
Montana shtati universiteti, ayniqsa, muhandislik yo‘nalishi bo‘yicha yuqori natijalarga ega bo‘lib, xalqaro talabalar va professor-o‘qituvchilarni jalb etish bo‘yicha keng imkoniyatlarga ega. Muzokaralar chog‘ida qo‘shma ilmiy tadqiqotlar, talaba va professor-o‘qituvchilar almashinuvi dasturlari, shuningdek, innovatsion akademik loyihalarni amalga oshirish masalalari ko‘rib chiqildi.
Bu uchrashuv KIUT va MSU o‘rtasidagi hamkorlikni yangi bosqichga olib chiqish bilan birga, muhandislik va ilm-fan sohasida xalqaro tajriba almashinuvi uchun keng imkoniyatlar yaratadi. Ushbu tashrif kelgusida KIUT talabalarining MSUda o‘qish va tajriba orttirish imkoniyatlarini kengaytirish bilan birga, professor-o‘qituvchilar uchun ham akademik hamkorlik va tadqiqot olib borish yo‘nalishida muhim poydevor yaratdi.
