KIUT xodimlari AQShning Baylor universitetiga tashrif buyurib, hamkorlikni kengaytirish bo‘yicha muzokaralar o‘tkazdi
Kimyo Xalqaro Universiteti (KIUT) delegatsiyasi AQShning Baylor universitetiga tashrif buyurib, talabalar va professor-o‘qituvchilar almashinuv dasturlari, qo‘shma ilmiy tadqiqotlar hamda xalqaro konferensiyalar tashkil etish bo‘yicha muzokaralar olib bordi.
Uchrashuvda akademik harakatchanlikni kengaytirish, talabalar va o‘qituvchilar uchun almashinuv dasturlarini yaratish, shuningdek, muhim ilmiy yo‘nalishlarda hamkorlikda tadqiqot olib borish masalalari muhokama qilindi. Tomonlar, shuningdek, ilmiy innovatsiyalarni rivojlantirish maqsadida xalqaro konferensiyalarni birgalikda tashkil etishga kelishib oldilar.
Mazkur tashrif KIUTning xalqaro hamkorlikni mustahkamlash va global ta’lim tarmog‘ida faol ishtirok etish yo‘lidagi muhim qadamlaridan biri bo‘ldi.
