KIUTda “Eng innovatsion g‘oya” tanlovining saralash bosqichi bo‘lib o‘tdi
Har bir katta loyiha kichik bir g‘oyadan boshlanadi. Muhimi, unga imkoniyat berish.
Toshkent Kimyo xalqaro universitetida Vazirlar Mahkamasining 463-son qarori doirasida “Eng innovatsion g‘oya” respublika tanlovining universitet bosqichi tashkil etildi.
Tanlovda talabalar o‘zlarining 18 ta innovatsion loyihasini saralash komissiyasi e’tiboriga havola etdilar. Ular orasida Talabapass, Relive, Adolat AI, Nutq Kids, Smart Pedi, AAM Predict, Smart Doctor, Xavfsizlik moduli, Mehrli qadam, Kitobga ikkinchi umr kabi turli sohalardagi muammolarga yechim taklif etuvchi ishlanmalar bor.
Taqdimot davomida talabalar nafaqat o‘z g‘oyalarini tanishtirdilar, balki ularning amaliy ahamiyati, yangiligi va kelajakda startapga aylanish imkoniyatlarini ham asoslab berdilar.
Komissiya loyihalarni innovatsion yondashuv, dolzarblik, mavjud yechimlardan farqi va kutilayotgan natijalar asosida baholadi.
Eng yuqori natija ko‘rsatgan loyihalar respublika bosqichida ishtirok etish imkoniyatini qo‘lga kiritadi. Respublika bosqichi g‘oliblarini esa xorijiy davlatlardagi inkubatsiya, akseleratsiya va stajirovka dasturlarida qatnashish imkoniyati kutmoqda.
Bunday tanlovlar talabalar uchun o‘z g‘oyasini sinovdan o‘tkazish, mutaxassislar fikrini eshitish va uni haqiqiy loyihaga aylantirish yo‘lidagi muhim tajribadir.
#KIUT #EngInnovatsionGoya #TalabalarStartapi #Innovatsiya #Startup #YoshIxtirochilar
