KIUTʼda Yaponiya delegatsiyasi: yangi kampus va tibbiyot binolari bilan tanishuv
Toshkent Kimyo xalqaro universiteti (KIUT) xalqaro hamkorlik doirasida Yaponiya delegatsiyasini qabul qildi. Okinava prefekturasidan tashrif buyurgan mehmonlar uchun universitetning yangi kampusi va tibbiyot yoʻnalishlari uchun barpo etilayotgan binolar boʻyicha maxsus taqdimot oʻtkazildi.
Yaponiyalik mutaxassislar qurilish loyihalarining jahon standartlariga mos ravishda amalga oshirilayotganini yuqori baholab, meʼmoriy yechimlarning innovatsionligi va zamonaviy talablarga mosligini eʼtirof etishdi.
Mazkur uchrashuv Yaponiya va Oʻzbekiston oʻrtasidagi taʼlim va texnologiya sohasidagi hamkorlikni yanada mustahkamlashga xizmat qiladi. KIUT esa xalqaro tajriba almashinuvi orqali oʻz talabalariga yanada sifatli va zamonaviy taʼlim berish yoʻlida izchil harakat qilmoqda.
