APPLICANTS WHO HAVE CHOSEN THE FACULTY OF KOREAN PHILOLOGY HAVE THE OPPORTUNITY TO CONTINUE THEIR STUDIES IN 2+2, 3+1 PROGRAMS AT PRESTIGIOUS UNIVERSITIES IN SOUTH KOREA

«КОРЕЙС ФИЛОЛОГИЯСИ» ЙЎНАЛИШИНИ ТАНЛАГАН АБИТУРИЕНТЛАР ЖАНУБИЙ КОРЕЯНИНГ НУФУЗЛИ УНИВЕРСИТЕТЛАРИДА 2+2, 3+1 ДАСТУРЛАРИДА ЎҚИШНИ ДАВОМ ЭТТИРИШ ИМКОНИЯТИГА ЭГА

«Корейс филологияси» йўналишини танлаган абитуриентлар Жанубий Кореянинг нуфузли университетларида 2+2, 3+1 дастурларида ўқишни давом эттириш имкониятига эга. Бундан ташқари, келажакда танлаган мутахассисликлари бўйича меҳнат бозорида талаб қилинаётган йўналишларни ҳам санаб ўтамиз!

Корейс филологияси битирувчилари корейс тилидан кенг фойдаланувчи чет мамлакатлар билан алоқага эга давлат муассасалари ва тижорат ташкилотларида ишлай оладилар.

Факультет битирувчилари Корея иқтисодиёти ва сиёсати бўйича тадбиркор, маслаҳатчи ва экспертлар қаторига қўшиладилар. Улар орасида дипломатия соҳасидаги ходимлар, фирма раҳбарлари, савдо-сотиқ вакиллари, туризм ва меҳмонхона иши бўйича менежерлар, Ўзбекистон Республикасида фаолият олиб борадиган кўплаб корейс корхоналарида ходим, гид-таржимон, олий ва ўрта махсус ўқув муассасаларида ўқитувчи ва илмий ходим, божхона ва солиқ инспекцияси маслаҳатчиси сингарилар кўпчиликни ташкил қилади.