Koreya Respublikasining Kriminologiya va adliya instituti prezidenti Tae-Hoon Ha
Koreya Respublikasining Kriminologiya va adliya instituti prezidenti Tae-Hoon Ha boshchiligidagi delegatsiya 2024 yil 13 iyun kuni Toshkent Kimyo xalqaro universitetiga tashrif buyurdi. Uchrashuv davomida universitet rektori v.b. Karimjon Axmedjanov hamda tegishli yoʻnalish rahbarlari mehmonlar bilan muzokaralar olib bordilar.
Muzokaralar jarayonida oʻquv jarayonini takomillashtirish, ilmiy-tadqiqot ishlarini rivojlantirish va ikki tomonlama hamkorlikni yanada mustahkamlash masalalari muhokama qilindi. Shuningdek, delegatsiya universitetning oʻquv va ilmiy bazasi bilan yaqindan tanishdi, professor-oʻqituvchilar bilan fikr almashishdi.
Bu tashrif Toshkent Kimyo xalqaro universiteti va Koreya Kriminologiya va adliya instituti oʻrtasidagi hamkorlikni yanada mustahkamlash va oʻquv jarayonlarida xalqaro tajribani qoʻllashga xizmat qiladi.
