Тошкент шаҳридаги Ёджу техника институтига Корея Республикасининг Таълим маркази директори Пэнг Джу Ман ташриф буюрди

Жорий йилнинг 26 октябрь куни Тошкент шаҳридаги Ёджу техника институтига Корея Республикасининг Таълим маркази директори Пэнг Джу Ман ташриф буюрди. Меҳмонларни институт ректори Жанполат Кудейбергенов кутиб олди. Меҳмонларга олий таълим масканининг асосий мақсад ва вазифалари, моддий техник базаси ҳақида маълумот берилди. Суҳбат давомида икки томонлама ўзаро ҳамкорлик кўлами муҳокама қилинди. Жумладан, талабалар алмашинуви, профессор - ўқитувчиларнинг Жанубий Кореяда малакасини ошириш, TOPIK имтиҳонига ўқувчиларни тайёрлаш каби йўналишларда ҳамкорликни ривожлантириш тўғрисида келишиб олинди.