Kuni kecha Toshkent Kimyo Xalqaro Universitetining “Liboslar dizayni” yoʻnalishi talabalari tomonidan “NUR TEX” toʻqimachilik kompaniyasi tashabbusi bilan tashkil etilgan “Fashion Show” namoyishi boʻlib oʻtdi

Kuni kecha Toshkent Kimyo Xalqaro Universitetining “Liboslar dizayni” yoʻnalishi talabalari tomonidan “NUR TEX” toʻqimachilik kompaniyasi tashabbusi bilan tashkil etilgan “Fashion Show” namoyishi boʻlib oʻtdi

Kuni kecha Toshkent Kimyo Xalqaro Universitetining “Liboslar dizayni” yoʻnalishi talabalari tomonidan “NUR TEX” toʻqimachilik kompaniyasi tashabbusi bilan tashkil etilgan “Fashion Show” namoyishi boʻlib oʻtdi. Ushbu tadbirda Germaniyaning nufuzli GIZ va KfW kompaniyalarining vakillari faxriy mehmon sifatida ishtirok etishdi.
Tadbir davomida talabalar oʻzlarining zamonaviy va innovatsion dizaynlari asosida yaratilgan liboslarini taqdim etishdi. Taqdimot doirasida har bir libosning oʻziga xosligi, milliy va zamonaviy unsurlarni uygʻunlashtirgan holda ishlab chiqilgani mehmonlarda katta qiziqish uygʻotdi.
Germaniya kompaniyalari vakillari, xususan, GIZ va KfW mutasaddilari taqdim etilgan liboslarga yuqori baho berishdi va ular talabalarning ijodkorligi hamda texnik koʻnikmalarini yuksak qadrlashdi. Tadbir yakunida GIZ va KfW vakillari Toshkent Kimyo Xalqaro Universiteti bilan hamkorlikni yanada rivojlantirish, xususan, liboslar dizayni yoʻnalishi boʻyicha talabalar uchun grant ajratish masalalarini koʻrib chiqish taklifini bildirishdi.
Tadbirda TKXUning v.b. rektori Karimjon Ahmedjanov ham ishtirok etib, talabalar tomonidan yaratilgan loyihalarni yuqori baholadi. U universitetning “Liboslar dizayni” yoʻnalishi talabalari oʻz ijodiy imkoniyatlarini kengaytirishlari va xalqaro miqyosda tanilishlariga umid bildirdi. Shuningdek, ushbu tadbir Germaniya kompaniyalari bilan uzoq muddatli hamkorlikning boshlanishi boʻlishini taʼkidladi.