Mамлакатимизда қурилиш соҳаси

Сўнги йилларда мамлакатимизда қурилиш соҳаси жадал ривожланаётган соҳалардан бирига айланган. Демак, бу йўналиш такомиллашган сари малакали кадрларга бўлган эҳтиёж ошаверади. Айниқса, лифт муҳандислари доимий талабда бўлиши аниқ. Малакали кадр тайёрлаш учун эса фақат назарий билимни ўзи камлик қилади...

Институтнинг «Лифт муҳандислиги» таълим йўналиши учун «Toshafus» МЧЖ ҚК заводи базасида аудитория ташкил қилинди. Эндиликда талабалар лифтларни лойиҳалаштириш ва ишлаб чиқаришга оид амалий дарсларни заводни ўзида ўрганишади. Шунингдек, улар завод мутахассислари билан биргаликда лифтлар ўрнатиладиган шахталарни ўрганиш ва лифтларни ўрнатиш жараёнларида ҳам иштирок этишади. Келажакда, талабалар орасидан энг қобилиятлиларини саралаб, заводнинг ўзида ишга таклиф қилиниши режа қилинган.