Marjonaxon Hamrayeva

Tanishing, “Turizm” yoʻnalishi talabalaridan biri Marjonaxon Hamrayeva, hozirda Oʻzbekiston Respublikasi Yoshlar ishlari agentligida “Ibrat farzandlari” loyihasi menejeri sifatida faoliyat olib borayotgan yosh va iqtidorli talabalardan biri. U, shuningdek, Oʻzbekiston Respublikasi Sport vazirligining matbuot boʻlimida faoliyat yuritadi. Marjonaxon yosh boʻlishiga qaramay, matbuot sohasida katta muvaffaqiyatlarga erishgan. Bu yutuqlari unga vazirlik tomonidan “Eng yosh matbuotchi” sifatida tan olinib, maxsus sertifikat bilan taqdirlanishiga sabab boʻldi. Shu bilan birga, Marjonaxonning bugungi kunga kelib erishgan yutuqlari, uning mehnatsevarligi va oʻz ishiga boʻlgan cheksiz ishtiyoqining natijasidir.

Biz talabamizga kelgusi ishlarida muvaffaqiyatlar va yanada yuksak marralarni zabt etishni tilayniz. U yosh avlod uchun namuna boʻlishi va Oʻzbekistonning keyingi rivojlanishiga oʻz hissasini qoʻshishiga ishonamiz!