Muhandislik kadrlarini tayyorlash sohasida ikki tomonlama hamkorlik istiqbollari muhokama qilindi
Toshkent Kimyo xalqaro universiteti rektori Janpolat Kudaybergenov Artel Electronics innovatsion tadqiqot markaziga tashrif buyurib, kompaniya boshqaruvi raisi o‘rinbosari O‘ktam Ablaqulov bilan uchrashdi. Tomonlar muhandislik kadrlarini tayyorlash sohasida ikki tomonlama hamkorlik istiqbollarini muhokama qildilar. Suhbat so‘ngida markaz faoliyati, eng so‘nggi texnologik ishlanmalar, xodimlar, hamkorlar va talabalar uchun o‘quv mashg‘ulotlari o‘tkazilayotgan laboratoriyalar bilan yaqindan tanishish maqsadida ilmiy markaz bo‘ylab sayohat uyushtirildi.
Artel Markaziy Osiyodagi eng yirik maishiy texnika va elektronika ishlab chiqaruvchisi, shuningdek, mamlakatdagi eng yirik ish beruvchilardan biri hisoblanadi.
