Nagoya iqtisodiyot universiteti va Toshkent Kimyo xalqaro universiteti o‘rtasida yangi hamkorlik memorandum
Toshkent Kimyo xalqaro universiteti (TKXU) va Yaponiyaning Nagoya iqtisodiyot universiteti (NIU) o‘rtasida yangi hamkorlik memorandum imzolandi. Ushbu kelishuv ikki universitet o‘rtasidagi akademik hamkorlikni mustahkamlash va xalqaro ta’lim sohasida yangi imkoniyatlarni yaratishga qaratilgan.
Imzolangan memorandum talaba va o‘qituvchilar almashinuvi, ilmiy tadqiqotlar hamda o‘quv jarayonida tajriba almashinuvini ko‘zda tutadi. Bu hamkorlik TKXU talabalari uchun Yaponiyada o‘qish va ilmiy tajriba orttirish imkonini beradi, NIU talabalari esa Toshkentda ta’lim olish imkoniyatiga ega bo‘ladilar.
Hamkorlik memorandumining imzolanishi, loyihalarni tezkor amalga oshirishga intilish hamda Yapon tilini o‘rganishga alohida e’tibor qaratish kelgusida talabalar uchun xalqaro miqyosda yangi ufqlarni ochadi. Bu tashabbus ikki universitet o‘rtasidagi ilmiy va ta’lim aloqalarini yanada rivojlantiradi.
