«New York Hotel» меҳмонхона мажмуаси бўйлаб экскурсия ташкил қилинди.

Тошкент шаҳридаги Ёджу техника институти ректори Кудайбергенов Ж.Ш. меҳмонхонада яратилган шароитлар, мижозларга таклиф қилинаётган хизматлар кўлами ва туризм йўналиши талабалари учун амалиёт ва иш билан таъминлаш масалаларини муҳокама қилиш учун New York меҳмонасига ташриф буюрди. 

New York меҳмонхонаси 27 та хонадан иборат бўлиб, 54 меҳмон қабул қилиш имкониятига эга. Меҳмонхона мажмуасини барпо этилиши муносабати билан 20 та янги иш ўрни яратилган. Ҳозирда Тошкент шаҳридаги Ёджу техника институтининг уч нафар талабаси меҳмонхонада амалиёт ўташмоқда. Замонавий, шинам инфратузилмага эга ва жуда мазали таомлари билан меҳмонлар қалбини забт эта оладиган ушбу меҳмонхонага ривож тилаб қоламиз. Шунингдек, яқин кунларда New York меҳмонхонаси ва Тошкент шаҳридаги Ёджу техника институти ўртасида ўзаро ҳамкорлик тўғрисида меморандум имзоланиши режа қилинган.