“Olamni mahliyo aylagan diyor!”
Toshkent Kimyo xalqaro universitetida “Olamni mahliyo aylagan diyor!” shiori ostida katta maʼnaviy-maʼrifiy tadbir oʻtkazildi. Ushbu tadbir milliy qadriyatlarimizni ulugʻlash, yosh avlodni vatanparvarlik ruhida tarbiyalash maqsadida tashkil etildi.
Tadbir davlatimiz ramzlarini yanada chuqurroq anglash, ularning tarixiy va maʼnaviy ahamiyatini yoshlar ongiga singdirishga qaratilgan edi. Tadbirda Oʻzbekiston Respublikasida xizmat koʻrsatgan jurnalist va yozuvchi Shuhrat Jabborov maxsus mehmon sifatida ishtirok etdi. U talabalar bilan muloqot qilar ekan, davlat madhiyasi va uning mazmuni haqida chuqur tahliliy maʼlumotlarni taqdim etdi.
