“Oliy muhandislik taʼlimida AQSh tajribasi”
2024 yil 27 iyun kuni universitetimiz Muhandislik maktabining “Yoʻl harakati muhandisligi va boshqaruvi” kafedrasi tomonidan “Oliy muhandislik taʼlimida AQSh tajribasi” mavzusida davra suhbati tashkil etildi. Mazkur davra suhbatida Shimoliy Dakota universiteti professori Sulaymon Eshkabilov ishtirok etdi va AQShning oliy muhandislik taʼlimi sohasidagi tajribalari haqida taqdimot qildi. Tadbir davomida professor Eshkabilov AQShdagi ilgʻor muhandislik metodlari, taʼlim jarayonida qoʻllaniladigan yangi texnologiyalar va talabalarga amaliy bilim berish borasida amalga oshirilayotgan loyihalar haqida batafsil maʼlumot berdi.
Shuningdek, davra suhbati doirasida ishtirokchilar oʻzlarini qiziqtirgan savollarga javob olish imkoniyatiga ega boʻldilar. Tadbir yakunida kafedra professor-oʻqituvchilari, tadqiqotchilari bilan AQSh universitetlari hamkorlikda amalga oshirilishi mumkin boʻlgan ilmiy-tadqiqot loyihalari haqida fikr almashildi va kelgusidagi hamkorlik rejalari belgilandi.
Ushbu tadbir universitetimiz talabalari va ilmiy xodimlari uchun katta qiziqish uygʻotdi hamda muhandislik taʼlimini rivojlantirish yoʻlida yangi imkoniyatlar eshigini ochdi. Tadbir tashkilotchilari professor Eshkabilovga oʻz minnatdorchiliklarini bildirib, kelgusida shu kabi uchrashuvlarni koʻproq oʻtkazish niyatida ekanliklarini taʼkidladilar.
