the expansion of bilateral relations in the field of higher education with higher educational institutions in developed countries of the world

Oliy taʼlim sohasida dunyoning rivojlangan mamlakatlarida, jumladan AQShda faoliyat koʻrsatadigan oliy taʼlim muassasalari bilan ikki tomonlama munosabatlar koʻlamini kengaytirishga katta eʼtibor qaratilmoqda

Maʼlumki, Toshkent Kimyo xalqaro universiteti tomonidan oliy taʼlim sohasida dunyoning rivojlangan mamlakatlarida, jumladan AQShda faoliyat koʻrsatadigan oliy taʼlim muassasalari bilan ikki tomonlama munosabatlar koʻlamini kengaytirishga katta eʼtibor qaratilmoqda. Bunda turli yoʻnalishlar boʻyicha, xususan, muhandislik sohasida yuqori malakali mutaxassislar tayyorlash maqsadida oʻzaro hamkorlikda qoʻshma taʼlim dasturlarini ishlab chiqish, professor-oʻqituvchilar malakasini oshirish, talabalar almashuvini tashkil qilish alohida oʻrin tutadi. Eslatib oʻtamiz, rasmiy delegatsiyamiz ayni damda Amerika Qoʻshma Shtatlarida amaliy tashrif bilan boʻlib turibdi. Kuni kecha ular AQShning Texas shtatidagi Hauston universitetiga tashrif buyurishdi. Mehmonlarni universitetning global aloqalar boʻyicha direktori Maggie Mahoney, direktor assistenti Alcocer Medina Luis hamda Elektrotexnika va hisoblash muhandisligi kollejining professori Badri Roysam kutib oldilar. Uchrashuvda, muhandislik, mashinasozlik, energetika, axborot texnologiyalari kabi ustuvor yoʻnalishlarda hamkorlik istiqbollari muhokama qilindi. Shuningdek, kelajakda universitetlar birgalikda turli online seminar va konferensiyalar oʻtkazish hamda oʻzaro tajriba almashishni ham rejalashtirgan.