“Ona yurt fidoyilari” respublika koʻrik-tanlovi
“Ona yurt fidoyilari” respublika koʻrik-tanlovi: Toshkent Kimyo xalqaro universiteti talabalarining yutuqlari.
Toshkent fotosuratlar uyida “Jadidlar gʻoyalari Yangi Oʻzbekiston strategiyasi bilan hamohangdir” shiori ostida oʻtkazilgan “Ona yurt fidoilari” Respublika koʻrik-tanlovida Toshkent Kimyo xalqaro universitetining “Rang tasvir” yoʻnalishi talabalari muvaffaqiyatli ishtirok etishdi. Doʻstmurotova Umida va Gʻulomov Lazizjon tanlovda 1-oʻrin hamda eng oliy oʻrinlarni egallashdi.
Koʻrik-tanlovning asosiy maqsadi - yosh avlodning vatanparvarlik tuygʻularini oshirish, jadidlar harakati gʻoyalarini targʻib qilish hamda yoshlar orasida sanʼatga qiziqishni kuchaytirishdan iborat edi. Toshkent Kimyo xalqaro universiteti talabalari oʻz ijodiy ishlari bilan tomoshabinlarni hayratda qoldirdilar va hakamlar hayʼati tomonidan yuqori baholandilar.
Talabalar tomonidan taqdim etilgan asarlar milliy ruhiyat, tarixiy mavzular va zamonaviy sanʼat uslublarini oʻzida mujassam etgan. Ayniqsa, ular ijodida jadidlar harakati va uning bugungi kunda Yangi Oʻzbekiston taraqqiyotiga taʼsiri aniq ifodalangan.
